Bli bedre kjent med vår nye styreleder
Kyrre Matias Goksøyr er ny leder i Norsk munnharpeforum.
Norsk munnharpeforum har fått ny styreleder, men hva veit du egentlig om Kyrre Matias Goksøyr? Visste du at Kyrre Matias Goksøyr gjenoppdaga munnharpe på grunn av faren eller at han også liker å synge?
Av Veronika Søum
Kyrre Matias Goksøyr (43) ble valgt til ny leder av Norsk munnharpeforum under årsmøtet i mars. Han er dermed den tredje i rekka siden forumet ble starta i 1998, og tar over etter Bent Åserud.
Men hvem er han egentlig og hva tenker han om framtida til Norsk munnharpeforum?
Her får du vite mer om Kyrre Matias:
Alder: 43
Bosted: Oslo
Yrke: seksjonssjef i avdeling for utdanning ved universitetet OsloMet
Hvordan føles det å være lederen for Norsk munnharpeforum?
– Det kjennes noko overraskande. Eg hadde eigentleg funne meg godt til rette i styret med å plukke opp nokre praktiske oppgåver her og der, så eg held fram med det. Styret inne i ein fin driv, som lover godt for den komande tida. I desember hjalp eg litt til for å få Munnharpa på nett, og det er stas å sjå at Veronika, Ånon og Lucy har fått til ein knallstart med mange og gode artiklar. Arbeidet med bok og CD ligg også an til å få god fart i år.
Hvordan ble du interessert i munnharpe?
– Eg hadde vel eigentleg ikkje tenkt særleg på instrumentet på mange år då eg i 2018 hekta meg på far min si aukande interesse og fekk ei munnharpe til jul. Først i 2021 greidde eg å kome meg med på festival. Det var ein litt rykkete start, men så gjekk det slag i slag, og med litt flaks greidde eg å skoge til meg ei god mengde harper. Då det førte til å høyre meir på folkemusikk, Naaljos Ljom og Ævestaden, oppdaga eg at overtoneskalaen må ha gjort eit visst inntrykk i barndomen, sjølv om det nok var mest seljefløyte eg kopla det til.
Spiller du andre instrumenter?
– Eg har nok sidan tenåra brukt mest tid på gitar, før eg kom innom meir synthbasert musikk. Så plukka eg opp munnspel og vart veldig fascinert av blues, særleg Sonny Boy Williamson II. Eg la ein plan rundt 2013 om å bli kompetent på munnspel til eg blir 50. Det kan vere innan rekkevidde. Siste fem åra har eg brukt meir tid på å bli tryggare som vokalist og nyleg har eg hatt mykje glede i å lære meg trommer. Ein blir ikkje særleg god av å halde på sånn, men det er heller ikkje poenget.
Hvordan var ditt første møte med Norsk munnharpeforum?
– Det var Munnharpefestivalen i 2021 på Gjøvik, og der viste det seg at eg ikkje hadde forstått så mykje. Vi var to på nybyrjarkurs, og vart følgt tett opp av Oddvin og Bernhard. Til mitt hell kunne vi altså dele gruppa i to, så eg fekk lære i ro og fred med Bernhard mykje av tida. På ein god dag kan eg framleis høyre Oddvin seie «Ikkje pirk, slå!», så det var eit minnerikt første møte. No får eg heller ikkje lov av Bernhard å melde meg på kurs hos han, så det viste seg å vere lærerikt, også.
Hva tenker du om det norske munnharpemiljøet?
– Eg har møtt mykje fine folk, men veit ikkje om eg kjenner miljøet godt nok endå til å skulle tenke mykje om det. Det som slår meg, er at det let til å vere munnharpeinteresserte rundt om i landet som forumet ikkje når så godt. Og når vi har arrangement i Oslo, dukkar det opp mykje unge folk. Eg trur det går an å utleie noko av dei to tinga.
Hva liker du å spille?
– Eg likar å spele dei rundt 15 eg har lært på festivalane, frå den digitale festivalen i 2020, pluss eit par eg har plukka av plata Fille-Vern. Av dei eg har lært på festival kunne eg trekt fram Hallingsull, Fiskaren og Springdans frå Bergen, og så var det kjekt å plukke Rotneims-Knut av plata nyleg. Musikk med skeive takter og flytande rytmikk er ein favoritt hos meg, så sånt som skaper tvil rundt taktlinjene er artig og ein ambisjon å få taket på.
Hva gleder du deg mest til i rollen som leder?
– Eg gleder meg til å vere med på arbeidet med å gjennomføre arrangement på Gjøvik, i Molde og i Oslo, og arbeidet med bok og CD. Det blir nok stas å skrive årsmelding for 2025, for eg trur at når vi kjem dit har vi grunn til å vere stolte av det vi har gjort i år.
Hva kan du tenke deg å få til i rollen som leder?
– Noko eg gjerne skulle fått til, er at vi fekk lagt til rette for fleire kurs på fleire stader i landet. Eg trur vi i samarbeid med lokalt initiativ kunne fått til kurs med bra låg innsats og stort utbytte.
Har du noen oppfordringer til medlemmene?
– Bit på når styret ber om hjelp til å gjennomføre arrangement! Om aktiviteten blir avgrensa av at alt skal gjerast av styremedlemmane, er det mykje mindre som blir gjort enn om fleire melder seg til å hjelpe til på festival eller med organiseringa av eit kurs der dei bur. Vi kan betale reise og overnatting, og organisere påmelding til lokale aktivitetar. Ta kontakt!
